|
بار الهی بو اوشاق کیمدی هراسان دولانور نصف شب قورخلی صحراده پریشان دولانور آی سالوبدور دل شب،نورینی دشت و دَمنه آیری بیر جلوه وئروب،نیمه ی شب اول چمنه اوینوری خار مغیلان یِل اَسن وقته گنه قورخلی چولده او قیز تکدی هراسان دولانور گاه بیر سمته قاچور،گه یخیلور،گه دایانور گردش چرخ زمان محنته سالدی باشینی ویردی قهریله فلک،پنجه ده گیزلین داشینی اول فلک آلدی الیندن صود امر قارداشینی شیر دل قارداشینی،کوفه لیلر دوغرادولار بالاجا اللرینی،بیربیرنه باغلادولار سیندیروب دست طبیعت نجه گور شهپرینی یِل اسنده داغیدور،باشدا قرا تللرینی قورخودان گه یوموری،گه آچوری گوزلرینی سیخیلوب قوش کیمی بیر گوشه ده محزون دایانوب گوزلری یولدا قالوب،غملیدی دلخون دایانوب عاقبت گلدی دیله فاطمه ی کرب و بلا بالاجا اللرینی قوزادی محبوب خدا دیدی یارب من هارا،نیمه شب بو چول هارا او قدَر آغلادی داشلاردا او چولده مله دی قدسیان عرشیده او ناله یه قانیاش اله دی صحبت ایلور اوزونه من علوی اولدوزویام خوان اجلال علینون دادیام هم دوزویام باشی دالدان کسیلن شاه جنانین قیزیام لحظه لحظه او قیزون ناله سی عرشه اوجالوب دئدی یا رب گورسن عمه لریم هاردا قالوب گوردی بیر سس گلوری دختر فرخنده لقا دیدی عمه مدی،گلوبدور منی بوردان آپارا ناگهان گوردی بیر آتلی،بالا دوردی ایاقا غیظیلن اندی آتیندان ثمر تخم حرام قورخودان دست ب سینه،او خانم وئردی سلام اهریمن اندی سلیمانه مقابل دایانوب یرده داش،گویده کی قوشلار بئله ظلمه اوتانوب تازیانیله سلامین عوضین ظالم آلوب صاغ الین قوزادی ویردی او گلِ طاهایه ایله بیل ثانی ویروب سیلی گینه زهرایه بولمورم من نجه زهرا بالاسی دوشدی یولا یاخشی سین یوسف زهرا بولوری،اهل وفا یازوری بعضیلری،خاریده قاچدی او بالا منه چوخ تزدی هله،پی آپارام مطلبینه الغرض قافیلیه چاتدی وئروب زینبینه باشلادی درد دیلین زینبه باشه گلنی دئدی چوخ اینجیدوب عمه منی بو قوم دنی گوزلریندن ایراق اوردان بوراجان ویردی منی قورخودان آغلامادیم،گورمه دی هئچ گوز یاشیمی بی بی آچ معجریمی،قمچی یاروبدی باشیمی رقیه گل قوجاقیمه هله شکایت ایلمه گوز آلتی باخما نیزیه منی خجالت ایلمه قزیم ندن بو گوزلرون دولومسنوب دولوم دولوم ایدیم نه چاره سنکمی منیمده باغلیدی قولوم گلیلی باخما نیزیه اشاروه فدا اولوم منه دی هر گلایوی اونا شکایت ایلمه گل ای گوزل حسینمون گوزل بالاسی آی بالا انام بتوله اوخشیان گوزون فداسی آغلاما گل ای گوزل حسینمون گوزل بالاسی آی بالا انام بتوله اوخشیان گوزون فداسی آی بالا او گوزلرون بو سینمه گله قاداسی آی بالا باخوب جدایه آغلاما بله قیامت ایلمه بو کاروانی نیزه ده اوقانلی باش دایاندیروب دالونجا گوزیاشین توکوب جهانی آهی یاندیروب جداده سن گلن یولا اوقدری گوز دولاندریب محبتون اسیرینی انیس محنت ایلمه غم و بلایه صبر ایله سن ای غزال فاطمه مگر مقام صبردن چخار عیال فاطمه گرگ سه ساله فاطمه اولا مثال فاطمه گل ایندی دن شکایته بو قدری عادت ایلمه دیدی که عمه کوسموشم گلنمرم قوجاقوه کم اعتنالیق ایتموسن موقتی قوناقوه او باشه خاطر عفو اله دولاشسام ال ایاقوه دوشوب میننده ناقیه گوزتله غفلت ایلمه منه یقیندی سینمیوب هله یانیندا حرمتیم ولی بولورسن عمه جان شکسته قلب اولار یتیم بابام منه خبر ویروب دمشقه جکدی زحمتیم دمشقده من اولمسم قبول زحمت ایلمه گلایه سین که آندیروب ادبلن اول مودبه یولون بلالرین دیوب او دختر محجبه بو سوزلرین تاثری اوخ اولدی قلب زینبه دیدی فراقه یانمشام یانقلی صحبت ایلمه قزیم دی دردون آغلیوم دویونجا من فغانیله بوشات بو جام چشملن اورک دولوبدی قانیله الون اوپوم حلال ایله باریش بیر عمه جانیله گوز اوسته ویرمسم یرون منی اجابت ایلمه یتیم اوشاقی ناز ایده وظیفه دور بیوکلره آنام یقین الین چکوب بو توز باسان هوروکلره گرگدی گوزلریم چکم تبرکا بو توکلره اولنجه مندن اوزگه سین بو فیضه شرکت ایلمه اورکلنوب او قیز دیدی باخ عمه لطف داوره سالوب آنام بتولیده منیم دالیمجا چوللره منی گزوب تاپوب آنام آلوبدی زیر شپره اوپوب باساردی باغرینا دیردی وحشت ایلمه دیدی قیزیم بو گل یوزون ندن سولوب منیم کیمی یوزونده سیلی ردی وار کبود اولوب منیم کیمی گل اوخشیاق بیر آغلاشاق گوزون دولوب منیم کیمی بو شرطلن دویولمگون منه حکایت ایلمه او چولده بیر بیریمیزی آنا بالا قوجاقلادون او محسنی من اصغری هی اوخشادوق هی آغلادوق اورک آلشدی اشگیلن اوت اوستنه سو باغلادوق دیدیم قویوب گیدوب منی اسیررفرقت ایلمه بابامدا که آتوب منی نه وقتیدور قویوب گیدوب لباس انس و الفت و علاقه نی سویوب گیدوب فلک یخان رقیه دن چوخ اینجیوب دویوب گیدوب دیدی قضانون امرینه قزیم قضاوت ایلمه گلر بابون خرابه دن تاپار بلا خزینه سین گورر بلالی زینبین رقیه سین سکینه سین یارالی باشی آختارار فقط رقیه سینه سین دیر بو دار فانیده قزیم اقامت ایلمه برچسبها: راه شام
+ نوشته شده در جمعه دوازدهم مرداد ۱۴۰۳ساعت 19:6 توسط سیدجواد نقی لو
|
من عباسم منه دریالر آغلار
+ نوشته شده در دوشنبه بیست و نهم بهمن ۱۳۹۷ساعت 20:7 توسط سیدجواد نقی لو
|
وزیر شاه کربلا سن
+ نوشته شده در دوشنبه بیست و نهم بهمن ۱۳۹۷ساعت 20:3 توسط سیدجواد نقی لو
|
ریتم شعر: ایران... فدای اشک و خنده تو اگرچه تنده اللریم یوخ
+ نوشته شده در دوشنبه بیست و نهم بهمن ۱۳۹۷ساعت 20:0 توسط سیدجواد نقی لو
|
زبانحال ساده با آقا امام زمان(عج)
اسوب خزان یلی باغ و گلشنه باخ منه بیر آن آقا
رحم ائت عاشقلرون بو گوزیاشینا جان سنه قربان آقا
گلم ائله آه و وایا گئجه لر گل بیزه مهمان آقا
غم کاسه سی دولوب بوشالدی آقا حالیمه باخ یان آقا
فراق اوتوندا نقدری من یانیم عالمه سلطان آقا
باخ گوزومنن آخان اشک آلیمه چتیندی هجران آقا برچسبها: زبانحال ساده با آقا امام زمان, عج
+ نوشته شده در دوشنبه هشتم بهمن ۱۳۹۷ساعت 10:21 توسط سیدجواد نقی لو
|
✔️ جریان حمل کوزه توسط پیرزن و کمک کردن امیرالمؤمنین (ع) به ایشان
بیر گونی سو آپاروردی ایوه بیر عورت زار
قاباقا گیتدی آلوب کوزه نی بی قید و ریا
آغانین قلبی یانوب پیرزنون بو سوزونه
الغرض گیتدی تدارک اولارا شام ائلدی
نچه مدّت دولانوبدی بئله ایّام زمان
همان عورت که علیدن اونا لطف اولموشدی
آنا جان دور یوخی گلمور بو گیجه گوزلریمه
او که رأفتله گلوب گوگلوم آلاردی کیمیدی برچسبها: جریان حمل کوزه توسط پیرزن و کمک کردن امیرالمؤمنین, ع, به ایشان
+ نوشته شده در دوشنبه هشتم بهمن ۱۳۹۷ساعت 10:6 توسط سیدجواد نقی لو
|
مدح حضرت زهرا (س)
اثر سیف الشعرا.. زهرا او خانمدور که آدین خالق هستی جبریل اومقامیله دوشر حیرته باللّه
برچسبها: مدح حضرت زهرا, س
+ نوشته شده در دوشنبه هشتم بهمن ۱۳۹۷ساعت 9:55 توسط سیدجواد نقی لو
|
وای جوان ننم ایوای
قوی دیوم اولدی نه لر زلفنی حورا یولدی قاپی بیردن که آچلدی گل طاها سولدی ناگهان فاطمه دیواره طرف پرت اولدی او جسارت،او ستم لر گنه ده اولمادی بس در و دیوار آراسیندا سیخلوب باتدی نفس یاندیران درگه پیغمبری دیوانیه باخ ظلمه باخ حامله بیر عورته باخ ثانیه باخ س باغبانین الی باغلیدی چوخ اولدی دردی گلی ده غنچنیده،با هم او ظالم دردی برچسبها: اوخشاملار
+ نوشته شده در چهارشنبه سوم بهمن ۱۳۹۷ساعت 12:24 توسط سیدجواد نقی لو
|
|
درباره وبلاگ 
|
